رد: تحَدينـآ بمَحـبتَنـآ ششَطـآرتَـكـمَ ~ قصة وأقعيةَ

من طرف **السبيعي** الجمعة يونيو 29, 2012 10:26 pm

دانه دقت على عبدالله
دانه : الو ها حبيبي وينك ؟
عبدالله : كاني حياتي توني داش المطار .. وين القاج ؟
دانه : اممم تعالي بستاربكس الي تحت انطرك لاتتأخر
عبدالله : اوكي

وصل عبدالله ستاربكس وكانت دانه ماخذه طاوله بالزاويه ومخشوشه عشان لحد ينتبه لهم ..
ماطولو قعدو يسولفون على السريع وعبدالله وصاها على نفسها وانه اطمنه اول ماتوصل
دانه وعيونها مليانه دموع موقادره تسيطر عليهم كانو ينزلون من غير لاتحس
عبدالله لمها وبدت تبجي .. عبدالله باس ايدها وحاول يهديها وسلم عليها وراحت ...

اركبت دانه الطياره وقبل لاتقفل موبايلها دزلت لعبدالله مسج اطمنه انهم ادخلو وبعد دقايق راح يطيرون ...

( الي مانعرفه انه بعد ماخذت ام دانه كل اغراض دانه ردتهم لها بعد ماوافقت انها تسافر وياهم )

دانه ماكان لها خلق احد حطت راسها على الدريشه وغمضت عيونها قعدت تتذكر كل شي ....

-----

عبدالله واهو بالطريج راد البيت ...
شاف مسج دانه وارتاح انها بخير
عبدالله بقلبه : الله يحفظج حبيبي .. والله حاس فيج يليت اقدر اشيل عنج كل هالتعب واخليج مرتاحه ماتفكرين بشي .. والله احبج الله يخليج لي ولايحرمني منج

----

بيت ام عبدالله ...

---

دلال : دخلي يما
ام عبدالله : ها يما دلووله عندج شي حلو حق باجر تلبسينه ولالا!
دلال : اممم مادري يما
ام عبدالله : يا يما شلون ماتدرين قومي قومي معاي خل اندور بالكبت اذا شفنا شي حلو لبسيه حق باجر واذا مالقينا بعد شوي انروح السوق
دلال : اوكي

وقامت دلال وامها وطلعو الي بالكبت كله لمن لقت دلال بدلة حلوه

ام عبدالله : هاذي حلوه شرايج فيها؟
دلال : اي حلوه
ام عبدالله : خلاص عيل خليها وانشالله باليل اخلي الخدامه تكويها لج وباجر من الصبح تروحين الصالون مع خواتج اوكي؟
دلال: انشالله يما
وطلعت امها من الغرفه ...

دلال انسدحت وقعدت تفكر شلون بيكون شكلها باجر وشنو راح يصير بينها وبين عبدالوهاب كان كل تفكيرها ( باااجر )
دلال : ااااخ يادوين والله مكانج خالي يليتج موجوده جان عرفت شسوي اف

-----

عند عبدالله ...

كان بغرفته يحاول ينام بس موقادر كل تفكيره بدانه ولهاان عليها كلها ساعات الي غابت فيهم عنه بس مرو عليه مثل لسنين مومتعود على هالشي متعود على دانه 24 ساعه وياه من اول مايقوم من النوم لمن ماينام
عبدالله : شتسوين الحين دوين قاعده ؟ نايمه؟ فديتج والله ولهان عليج .. يارب انها توصل بالسلامه وطمني لان جد تعبت وانا افكر فيها اف

----

عند دانه ..
كانت بالطياره للحين ( كانت رحلتهم لمليزيا)
دانه واهي تحاول تنام بس مويايلها نوم كلش كانت تفكر بعبدالله وكل شوي اطالع الساعه اتعد الدقايق بس عشان توصل وتكلم عبدالله

----

بعد جم ساعه ...

وصلت دانه واهلها لمليزيا واول ماوصلو سيده دانه راحت الحمام (عزكم الله)
وعبت ودقت على عبدالله ...

عبدالله : الووو هلا بحياتي الحمدالله على السلامه ياقلبي
دانه : حياااتي انته الله يسلمك .. شلونك حبيبي؟
عبدالله : بخير حياتي انتي شمسويه؟
دانه : الحمدالله .. ماقدرت اصبر اكثر اول ماوصلنا دشيت الحمام وانت بكرامه وقلت ادق عليك
عبدالله : فديتج .. دوين
دانه : عيوني
عبدالله : ولهت عليج
دانه ( ضاق خلها ) : والله حتى انا حبيبي
عبدالله : ميخالف حبيبي كلها سبوعين واتردين
دانه : وااايد بس يلا الله كريم انا كل ماحصلت فرصه اكلمك
عبدالله : اوكي حبيبي انطرج.. وديري بالج خلج مع اهلج موتروحين مكان بروحج
دانه : انشالله حبيبي .. وانته حط بالك على روحك حبيبي .. وسلم على دلوول وااايد ادري ماخذا باخاطرها لاني ماكلمتها قبل لا سافر
عبدالله : انشاالله يوصل ياقلبي .. وبعدين ليش تزعل اهي تدري فيج حبيبي وبعدين السفره صارت بسرعه مامداج ادقين عليها
دانه : اوكي حبيبي انا لازم اروح الحين لاني طولت .. انشالله لي وصلنا الفندق احاول ادق عليك
عبدالله : اوكي حبيبي ديري بالج
دانه : انشالله .. مع السلامه حبيبي
عبدالله : الله يحفظج .. مع السلامه

عبدالله ارتاااح واخيرا تطمن على دانه .. بعدها حط راسه وراح بسابع نومه

-----

ومرت الايام على دانه مثل لسنين كانت تنطر اي فرصه بس عشان تسمع صوت عبدالله وتكلمه وتطمن عليه .. وامها كل يوم تسألها عن عبدالله اذا كانت تكلمه ولالا .. بس دانه قالت لمها انها اقطعت علاقتها بعبدالله وكل شي انتها بينهم ومن عقبها (شووووي ) تغيرمعاملت ام دانه من ناحية دانه يعني خف الشك ولهواش بينها وبين بنتها .. عبدالوهاب يه وخطب دلال مثل ماتفقو ووحاول يغير راي دلال فيه وقدر والحمدالله الحين دلال عايشه احلى ايام حياتها مع عبدالوهاب لان وعدها انه يتغير ولا يزعلها بيوم من الايام والي فات مات وكانت غلطه وتعلم منها وبعد سبوعين يملجون .. بس شي واحد كانت دلال تتمناه انه دانه تكون يمها بهالفتره

-----

يوم وصول دانه من السفر ...

كانت قاعده تكلم عبدالله

دانه : حياتي تونا وصلنا دبي بنقعد ساعتين وتالي سيده لكويت انشالله
عبدالله : توصلون بالسلامه حياتي .. واخير بتردين والله ماتدرين شكثر ولهان عليج صج كل يوم تكلميني بس والله حدي ولهان عليج
دانه : ياحياتي والله ماتدري شكثر انا مستانسه ودي اوصل لكويت الحين بهالحظه بس عشان اكون يمك
عبدالله : هانت ياحياتي .. المهم حبيبي اول ماتركبين الطياره دزيلي مسج عشان اتزهب وايلج المطار
دانه : انشالله حبيبي.. يلا حياتي انا لازم اسكر الخط الحين
عبدالله : ديري بالج حبيبي
دانه : انشالله .. يلا مع السلامه
عبدالله : مع السلامه

عقب ماسكر عبدالله الخط من دانه .. وصله مسج من مريم !!!

عبدالله : ويع شتبي هاذي !
بطل المسج وشاف ( احبك)
عبدالله : حبتج القراده الله ياخذج
حقرها وقام خذاله شور قبل لايطلع ويروح المطار حق دانه

-----

عند مريم ...
كانت قاعده مع امها ويسولفون...

ام مريم : يا يما يامريم ليش ترفضين كل الي يتقدمولج ؟
مريم : يما مابي اتزوج الحين تو الناس
ام مريم : شنو تو الناس الحمدالله موناقصج شي جمال وسنع وفوق كل هاذا شهاده على شنو تو الناس ؟
مريم : يماا خلاص الزواج الحين موبالي
ام مريم : الله يهديج يايما .. ترا دلال ملجتها بعد سبوعين تقريبا اليوم دقت علي خالتج وقالتلي انهم اتفقو
مريم ( بقلبها الله لايوفقها وياه انشالله ) : اها
ام مريم : كاه هاذي دلال يما للحين تدرس وكاه مشالله يالها نصيبها وماردته .. انتي شفيج شنو الي ناقصج كل مايالج واحد رديته
مريم : يما بالطقاق انا شعلي منها تزوجت ولاماتزوجت كيفها
ام مريم : يا يما انا مودايمتلج المرا مالها غير ريلها وبيتها
مريم ( ماقدرت تتحمل كلام امها ): يما انا بروح غرفتي ارتاح .. عن اذنج
ام مريم ( رافعه ايدها وتدعي ربها ) : يالله انك اتهديها وتوفقها

مريم بقلبها : يما شلون تبيني اتزوج وااحد غير عبدالله ماقدر مااقدر انا احبه مستحيل اني اتزوج غيره والله لو على جنازتي .. وبدت دموعها تنزل

اول ماوصلت غرفتها دقت على خالد

خالد : الو هلا بحياتي
مريم : هلا فيك قلبي شلونك؟
خالد : بخير دامج بخير حياتي .. انتي شلونج؟
مريم : تمام الحمدالله حبيبي .. ها حبيبي شصار على عبدالله ماعرفت شي للحين اذا رد لدانه ولا لا
خالد : لاحبيبتي للحين ماشفنا عليهم شي وكاني قاعد انطره يطلع من البيت اشوفه وين بيروح
مريم : اممم اوكي حبيبي اذا عرفت اي شي دق علي وقولي اوكي
خالد : مااشي حياتي .. يلا باي
مريم : بااااااايز

-----

خالد مع رفيجه محمد قاعدين بالسياره كالعاده متلثمين عشان محد يعرفهم وصافطين شوي بعيد عن بيت عبدالله عشان محد يشك بالوضع
اول ماطلع عبدالله من البيت حركو وراه

----

خالد يكلم محمد ...
خالد : دير بالك لاتلصق فيه ياشقول
محمد : انزين انزين

عبدالله مالاحظ انهم لاحقينه
واهو يسوق وصله مسج من دانه ... انهم وصلو لكويت
عبدالله مو شايلته الفرحه واخيرا حبيبته وصلت من الفرحه داس بس يبي يوصل بسرعه عشان يشوفها

دانه واهلها كانو لاهين بالمطار بين لجناط والجوازات
دانه استغلت الفرصه واتصلت على عبدالله ...

عبدالله : الحمدالله على السلامه ياروحي
دانه : هههه الله يسلمك حبيبي واااي احس ردت لي روحي لمن وصلت وااااي مشتااقتلك ومشتاااقه حق لكويت
عبدالله : هههه فديتج يلا حبيبي انا كاني توني داش الباركنق قبل لاتطلعين دزيلي مسج
دانه : اوكي حبيبي احنا كاه تقريبا نص ساعه وانطلع
عبدالله : اوكي يالله يمديني على ماصفط وانزل .. يلا حبيبي باي
دانه : بايات

ام دانه : تكلمين منو ؟
دانه : اكلم دلال موصيتني اول مااوصل ادق عليها
ام دانه: اها

وخلصو من لوية لجناط والجوازات وقبل لايطلعون للبوابه دزت دانه مسج لعبدالله
عبدالله كان وااقف وقلبه يطق يعد الثواني الي بتطلع فيها دانه وده يروح لها ويلمها جدام الناس مووهامه احد المهم انه مشتاق لها يحس انه صارله سنه موشايفها ولامكلمها ..

وطلعت دانه كانت كاشخه لابسه هاي وست بيج وياه حزام بني محروق وقميص ابيض جبنيز مع كعب بيج وجنطه كبيره شوي فيها بيج و بني .. وشعرها كانت مسويته بف وميك اب خفيف بس مركزه على الاي لاينر .. كانت طالعه روعه

عبدالله من شافها موشايلته الفرحه كان يطالعها ويبتسم ودز لها مسج ( صايره زوغه يالجلبه اتيننين )
دانه كانت تشوف عبدالله ومستانسه .. شافت المسج وقامت تضحك ودزلته ( عيل كل مره بسافر لووول )

طبعا الاهل كلهم كانو موجودين وبستقبال دانه وام دانه ونوره وطلال وعيالها
الي كانو بستقبالهم ( بو دانه وعبدالرحمن واحمد مع تهاني )
بعد ماسلمو على بعض وتحمدو لهم بالسلامه راحو البيت

-----

طبعا خالد ومحمد انزلو ورا عبدالله المطار .. وخالد عرف سبب روحة عبدالله للمطار لان شاف دانه مع اهلها وسيده دق على مريم

مريم : هلا حبيبي
خالد : هلافيج .. عندي لج خبر
مريم : شنو؟
خالد : عبدالله رايح المطار حق دانه
مريم ( عصبت وانقهرت بس مابينت حق خالد ... وردت عليه بكل برود): لااااا؟
خالد : ااي والله كاهم جدامي والاخ روميو ياي لها يشوفها
مريم : اممممممم .. ودك تقهره وتفتك منه؟
خالد : اكيييد .. بس شلون؟
مريم : عيل اسمع الي بقوله لك وابيك اتنفذه بالحرف الوااحد

-----

دانه اول ماركبت السياره واهي وعبدالله بينهم مسجات

عبدالله واهو بالطريج كان لاهي بمسجات دانه
لمح سياره وراه كانت حيل لاصقه فيه وشابه العالي عليه
عبدالله وخر عنها
لكن السياره كانت تحاول تلصق فيه اكثر واكثر
عبدالله (بعصبيه) : شفيه هاذا (.....)
حاول اكثر من مره انه يوخر عنهم لكن ماكو فايده بدو يحدونه
وصلو لي فوق الجسر كانو حييل لاصقين بعبدالله ومن كثر مايحدووه دعمو عبدالله و لصقوه بحااجز الجسر ومن قوة الدعمه لفت السياره بعبدالله وضربت الحاجز مره ثانيه حييل و انقلبت من فوق الجسر .. خالد ومحمد نحاشو من بعد مادعمو عبدالله

................

من طرف **السبيعي** الجمعة يونيو 29, 2012 10:28 pm

دانه اول ماركبت السياره واهي وعبدالله بينهم مسجات

عبدالله واهو بالطريج كان لاهي بمسجات دانه
لمح سياره وراه كانت حيل لاصقه فيه وشابه العالي عليه
عبدالله وخر عنها
لكن السياره كانت تحاول تلصق فيه اكثر واكثر
عبدالله (بعصبيه) : شفيه هاذا (.....)
حاول اكثر من مره انه يوخر عنهم لكن ماكو فايده بدو يحدونه
وصلو لي فوق الجسر كانو حييل لاصقين بعبدالله ومن كثر مايحدووه دعمو عبدالله و لصقوه بحااجز الجسر ومن قوة الدعمه لفت السياره بعبدالله وضربت الحاجز مره ثانيه حييل و انقلبت من فوق الجسر .. خالد ومحمد نحاشو من بعد مادعمو عبدالله

-----

وصلت دانه واهلها بيتهم والكل مستانس سوالف وضحك

ام دانه : اي والله ياحلات الجو اينن .. والله تمنيناج تكونين ويانا يا تهاني
تهاني : عليكم بالعافيه عمتي يلا المهم استانستو
بو دانه : وانا ماتمنيتيني اكون معاكم ؟
الكل : ههههههههه
ام دانه : والله احنا قلنالك امش معانا بس انته ماتقدر تقول مشغول
بو دانه : يلا المهم عليكم بالعافيه
احمد : ها يما وين صوغتنا؟
نوره : لاتخاااف بالحفظ والصون امي كل ماشاافت شي هاذا حق احمد وتهاني ترا قمنا انغار منكم
الكل : هههههههه
ومر الوقت بسرعه مع السوالف والضحك .. لمن الكل مشا

------

دانه اول ماوصلت غرفتها قطت روحها على لفراش وبقلبها
( هاذا وينه دزيتله مسجين مارد خل اشوف ادق عليه)
وبدت ادق دانه على عبدالله
مره
مرتين
3
10
20
ماااكو رد

دانه : ولين شفيه مايرد مومعقوله ماوصل للحين ياربي انشالله موصايرله شي!! خل ادق على دلوول هالمعفنه حدي ولهانه عليها ومره وحده اسألها عن عبيد

دلال شافت فونها ( دانه يتصل بك )

دلال ( قامت تصرخ ): ووااااااااااااااااااااي فديتها والله
الوووووووووووووو
دانه : لووووووووووووول شفيج احسج بتطلعين من التلفون
دلال : يالخاااااايسه حدي مشتاقتلج
دانه : وااي والله حتى انا شلونج شخبارج ؟ اهم شي هاقوليلي شصار على موضوعج انتي وعبدالوهاب ؟؟؟ والله طول الوقت افكر بهالسالفه
دلال : تماام تماام .. وااي سكتي خل اقولج شصار
دانه : يلا قولي كلي اذان صاغيه لوووول
وتمو يسولفون ويضحكون دانه مع السوالف نست تسأل دلال عن عبدالله!!

------

اكيد بتسألون عن عبدالله شصار عليه ؟

طبعا الناس ملتمين عليه اشوه انهم قدرو ينقذونه على اخر شي قبل لاتحوشه النار لان السياره كانت تحترق وبالغصب طلعوه كان مغطا بالدم وسيييده المستشفى

-----

بعد ساعتين تقريبا

بيت ام عبدالله ...
التلفون يرن

ام عبدالله : الو
....: السلام عليكم
ام عبدالله: وعليكم السلام .. منو معاي؟
....: بس بغيت اسأل هاذا بيت عبدالله ؟
ام عبدالله : اي نعم منو معاي؟
.....: معاج مستشفى الصباح
ام عبدالله خايفه : خير انشالله ؟
....: والله اختي مادري شقولج بس عبدالله مسوي حادث وتوه واصل عندنا
ام عبدالله من الصدمه طاح منها التلفون وقامت تبجي
.....: الو
...........
.....: الووو

------

عند دلال ....
واهي تكلم دانه سمعت صوت صراخ امها !!!!

دلال : دوين شوي واكملج اوك
دانه : اوكي
دلال: باي
دانه : بايات

دلال اول ماسكرت الخط من دانه انزلت بسرعه وراحت عند امها

دلال حدها مخترعه وخايفه : يما شفيييك ليش جذي تبجين؟؟؟؟؟؟؟؟؟؟؟؟؟؟
ام عبدالله ( ميته بجي): ااااه يايما
دلال ( لامه امها وتحاول تهديها وتفهم منها شالسالفه): يما حبيبتي هدي قوليلي شفيج؟

(رنا كانت بغرفتها سمعت صوت البجي ولصراخ وطلعت من غرفتها بسرعه)

رنا : شفييييكم؟ شفيج يما ليش تبجين؟

ام عبدالله : ااااخ يا يما عبدالله مسوي حادث وتوه المستشفى كلموني بسرعه دلوول يبي عبايتي من فوق امشي رنا خل انروح انشوف اخوج ( وراح صوتها بالبجي)
دلال ورنا ماقدرون يمسكون روحهم اكثر وقامو يبجون مومصدقين الي قاعدين يسمعونه!!!

-----

عند دانه ....

ياربي هاذا وينه دقيت عليه مليون مره ولا يرد يارب مايكون فيه شي لان صج بديت احاتيه تحَدينـآ بمَحـبتَنـآ ششَطـآرتَـكـمَ ~ قصة وأقعيةَ - صفحة 2 Frown

تحَدينـآ بمَحـبتَنـآ ششَطـآرتَـكـمَ ~ قصة وأقعيةَ - صفحة 2 Frown

وبدت ادق على دلال عشان تسألها عن عبدالله
وبدت ادق مره ومرتين وثلاث محد يرد
اهني دانه صج بدت تحاتي ماقدرت وتمت ادق على البيت ومحد يرد
دانه : يارب مايكون فيه شي يارب ( وانزلت دموعها)

-----

عند مريم
كانت قاعده تتعبث بالفون شوي ولا تشوف ( خالد يتصل بك)

خالد : الوووو
مريم : اهلن اهلن
خالد : هلا فييج عندي لج خوووش بشاره
مريم : ها بشر شصار؟
خالد : خلاااص ماماتي عبدالله بااااااااح ههههههههههههههههه
مريم ( شوي تضايقت على عبدالله بس كانت تبي تبرد جبدها فيه وغير هاذا لو شنو ماتبيه ياخذ دانه بدالها عندها موت عبدالله ولا انه يتزوج غيرها ) :...............
خالد : الوووو وينج؟
مريم : هلا هلا كاني حبيبي
خالد : شفيج سكتي جنه كاسر خاطرج؟
مريم : لا يخسي خل يويلي اصلا بالعكس والله بردت جبدي الله يبرد جبدك
خالد : افا عليج اذا انا ماخذ حقج منو ياخذه بالله!
مريم : فديتك

وتمو يسولفون

-----

ام مريم كانت توها صاعده تبي تروح غرفتها وبطريجها مرت صوب غرفة مريم

ولاتسمع مريم تضحك بصوت عالي

مريم : هههههههههههههه خلود خلاص يوز تكفه

ام مريم بطلت الباب على مريم
مريم انصدمت قطت التلفون ..

ام مريم (بعصبيه ): مريوم ويهد منو خلود !! منو الي قاعده تكلمينه؟
مريم : ها ! يما شفيج هاذي دلال قاعده اكلمها
ام مريم : لاجذبين انا سمعتج بأذوني قلتي خلود خلاص يوز تكفه قوليلي منو خالد؟
مريم : يما قتلج هاذي دلوول
ام مريم ( ماقدرت تمسك روحها اكثر وعطت مريم طراق): هاذي اخرتها يا مريوم هاذي اااخر الثقه الي عطيناج ياها هاذي اخرت تعبي فيج تكلمين شباب من وراي هااا؟
مريم حاطه ايدها على خدها منصدمه من ردة فعل امها اول مره ترفع ايدها عليها
مريم ( لقت الجذب احسن وسيلة عشان تبرر غلطتها) : ماسويت شي غلط اي انا اكلم وااحد اسمه خالد احبه ويحبني مافيها
ام مريم عطتها طراق ثاني: اشكرا تقولينها لي بعد صج عينج قويه بس هين يا مريم الظاهر انا خربتج بدلالي الزاايد بس والله بعلم ابوج خل يعرف شلون يتصرف وياج

وطلعت وسكرت الباب حيل
مريم قطت روحها على لفراش وتبجي

----

بالمستشفى عند عبدالله

ام عبدالله ورنا ودلال وصلو المستشفى وسألو عن عبدالله وقالو لهم انه بالعنايه
طبعا ام عبدالله موقادره تسكت من البجي وضغط ارتفع عندها ورنا ودلال يحاولون يهدون فيها بس ماكو فايده

شافو الدكاتره يركضون عند عبدالله بالعنايه
وطولو شويه بعدها طلع الدكتور والكل التم عليه كانو يبون يحاولون يعرفون حالة عبدالله من ملامح ويه الدكتور بس ملامحه ماكنت تبشر بالخير كلش

.................

من طرف **السبيعي** الجمعة يونيو 29, 2012 10:32 pm

بالمستشفى عند عبدالله

ام عبدالله ورنا ودلال وصلو المستشفى وسألو عن عبدالله وقالو لهم انه بالعنايه
طبعا ام عبدالله موقادره تسكت من البجي وضغط ارتفع عندها ورنا ودلال يحاولون يهدون فيها بس ماكو فايده

شافو الدكاتره يركضون عند عبدالله بالعنايه
وطولو شويه بعدها طلع الدكتور والكل التم عليه كانو يبون يحاولون يعرفون حالة عبدالله من ملامح ويه الدكتور بس ملامحه ماكنت تبشر بالخير كلش

.................

ام عبدالله مسكت ايد الدكتور ( كأنها تترجاه يقول الصج عن حالة ولدها): يما بشرني قولي شفيه عبدالله ؟
الدكتور يطالعهم موعارف شيقول
رنا : دكتور تكفا تكلم قول شي شفيه عبدالله؟
الدكتور: اممم مادري شقول لكم اهو الحين بشبه حالة غيبوبه ادعوله انه يصحى
الكل انصدم موعارفين شيقولون
ام عبدالله ماقدرت توقف من الصدمه حست جسمها صار ثقيل وطاحت على الكرسي
رنا ودلال : يمااااااا

------

دانه طوول اليل مانامت قاعده تحاول ادق على عبدالله ودلال بس محد يرد عليها

-----

ثااني يوم الصبح

ريم اول ماقعدت من النوم قررت ادق على امها وتطمن عليها وتشوف شلونهم
وبدت ادق لكن محد يرد على البيت

ريم : ولين هذيل وينهم مومعقوله امي لي هالحزه نايمه ! خل اجرب ادق على دلوول
وبدت ادق مره و2 و4 و10 ماكو رد
ريم: هذيل شسالفتهم ياربي محد يرد امممم بجرب ادق على رنا جود اترد علي
دقت على رنا....
رنا ( بصوت تعبان): الو
ريم : هلا والله زين زين احد فيكم شال التلفون شلخت البيت محد يرد ودلوول همن ادق عليها ماترد وينكم!!!!
رنا : ريم احنا بالمستشفى عبيد امس سوا حادث باليل
ريم :شنووو@@ شلون ؟؟ ومتى؟؟ وليش ماقلتولي؟؟؟
رنا : ريوم مووقت اسألتج اصلا حتى احنا تفاجأنا وامي مسكينه من الصدمه ارتفع الضغط عليها والحين سادحينها
ريم : لالالا مومن صجج انزين انتو اي مستشفى ؟؟؟
رنا : الصباح
ريم : اوكي انا الحين ابدل واي مع فهد .. يلا باي
رنا : باي

ريم ( تهز فهد): فهد فهد قوووم تكفا بسسرعه
فهد( واهو يتقلب): مممممم شفيج!
ريم (شوي وبتبجي): فهد قوم الله يخليك بسرعه عبيد مسوي حادث بالمستشفى وامي همن تعبت عليهم تكفا بسرعه قوم ودني
فهد ( قام بسرعه مخترع): شنوووو@@ شلونهم الحين؟
ريم(تبجي): مادري مادري تكفا قوم بسرعه انا بقوم ابدل على ماتغسل وتخلص
فهد : اوكي اوكي يلا قومي تزهبي

----

بعد ساعه وشي وصلو ريم وفهد المستشفى ...

ريم : يماا حبيبتي شلونج (باست راس امها واهي تبجي)
ام عبدالله ( بدت تبجي ): موبخير عبدالله مادري شصار عليه الدكتور يقول انه بغيبووبه يما وديني له بروح اشوفه
ريم : يما حبيبتي هدي اهم شي صحتج انشالله عبدالله بيقوم وبيرد مثل قبل لاتحاتين حبيبتي انتي
رنا : من امس وهالضغط يانازل ياصاعد اقولها هدي بالج موزين موراضيه
فهد : ماتشوفين شر عمتي وانشالله عبدالله الحين اروح اشوف شصار عليه لاتحاتين موزين عليج
ام عبدالله : ماقصرت يما
ريم : فهد انا بروح وياك
فهد : امم اوكي

وتمو رنا ودلال قاعدين عند امهم

----

دانه مانامت من كثر التفكير والخوف كانت حاسه انه فيهم شي جايد مومعقوله محد قاعد يرد عليها وبدت ادق على دلال للمره المليون على امل انها اترد عليها وتعرف شسالفه

وبعد فتره ردت دلال على دانه

دلال: الو هلا دانو
دانه: واخيييراا رديتو !! دلوول تكفين شفيكم شفيه عبيد ادق عليه مايرد وانتي بعد بالغصب رديتي فيكم شي؟ صاير شي؟
دلال: ...........
دانه( بعصبيه وبخوف): دلووول يرحم واالديج تكلمي قوليلي شفيكم ترا والله من امس ماانمت من التفكير
دلال : دانو مادري شقولج
دانه: شنو ماتدرين دلوول تحجي خلصيني:@
دلال(فيها بجيه): عبدالله امس سوا حادث والحين بغيبوبه
دانه ( انصدمت حست انه الدنيا ادور فيها ): دلوول مومن صجج صح ! قاعده تتغشمرين اعرفج تحبين تخرعيني
دلال( بدت تبجي): دانو والله موقاعده اتغشمر عبيد امس سوا حادث والحين داش بغيبووبه ادعيله
دانه(من الصدمه حتى مابجت ):انتو اي مستشفى؟
دلال: الصباح
دانه : اوكي انا شوي واي لكم تكفين خلي فونج معااج عشان اول مااوصل ادق عليج موتحقرين
دلال: اوكي
دانه : باي
دلال: بايات
دانه قامت بدلت وغسلت والمشكله انه حتى دمعة وحده مانزلت منها ( كل هاذا من الصدمه ) تحس انه قاعدين يتغشمرون وياها مومصدقه الي سمعته

----

عند فهد وريم....

الدكتور : الصراحه عبدالله بحاله حرجه الحين
فهد : انزين دكتور ماقلت لنا اهو شفيه بالضبط الحين؟
الدكتور : عنده كسر بالقفص الصدري الضربه كانت واايد قويه على صدره وواايد نزف دم محتاج للتبرع بأسرع وقت وعنده شرخ بالحوض للأسف احتمال ماراح يقدر يمشي
ريم وفهد انصدموا
ريم: شنو@@ شنو يعني ماراح يمشي دكتور شهالكلام (وبدت تبجي)
فهد: ريم صلي على النبي خل نفهم من الدكتور
الدكتور: هدي بالج اختي كل شي بيد رب العالمين لاتيأسين اهو الحين اهم شي محتاج للدم لان كل ماله والاكسجين ينقص بجسمه وهاذا موزين يمكن يسببله شلل
فهد : وشناطرين ليش مايبتوله دم للحين
الدكتور : احنا بلغنا بنك الدم واول مايلقون دم راح ايبونه لنا
ريم : دكتور امي وانا نفس فصيلة دمه اخذو منا
الدكتور: مومشكله بعد شوي راح انسوي لكم فحوصات ولي نتيجة دمه تطابق مع عبدالله انشالله راح ننقله الدم

----

نزلت دانه ماشافت احد بالبيت ارتاحت عشان امها ماتحقق وياها وتشك فيها .. وطلعت بسرعه

واهي بالطريج بدت تذكر كل شي مر عليها مع عبدالله كان مثل الشريط يمر بالها من اول ماتعرفو على بعض لي حد هاليوم هاذا .. بدت تبجي بشكل هستيري

عبدالله معطي دانه سنسله ومعلقتها بالسياره وطول الطريج وكانت اتشوفها وتتذكره .. وقعدت تتذكر المواقف الي مرت عليهم
(يعني معقوله يصير كل هاذا؟؟ .. انشالله مايصير فيك شي والله ان صار فيك شي اموت اموت ماقدر اعيش من غيرك .. يارب انك تشافيه وتقومه بالسلامه يااارب)

عني تغيب شلون علمني شلون ..!
وباقي العمر وشلون يحلى بلياك ..~
حسيت مالي من بعد شوفك عيون ..
وحسيت مالي قلب ينبض بفرقاك ..~

موحش كئيب بغيبتك كل هالكون ..
خالي ولابه غير صوتك وذكراك ..~

----

بيت مريم
ام مريم : شوف ياصالح بنتك واااايد سكت عنها شكلها بتدفن راسنا بالارض امس طحت عليها تكلم واااحد وضحكها شايل شوفلك صرفه وياها انا تعبت منها
ابو مريم ( صالح): شنووو @@
ام مريم : الي سمعته
ابو مريم عصب وراح لمريم الغرفه

مريم كانت منسدحه ومالها خلق احد
دش عليها ابوها ومسكها من شعرها
بو مريم : انتي ماتستحي على ويهج يا جليلة الحيا تكلمين شباب من ورااااي هااا ( وبدا يطقها طراقات)

مريم قامت تصارخ من قوة لطراقات والطق
مريم وخرت عن ابوها وبدت تكلمه بكل صراحه موهامها احد

مريم ( واهي تبجي وتصرخ وتكلم ابوها): ااااي يبا اناا اكلم واااحد وهالواااحد هاذا خااااالد ريل رنااااااااا حبيت اقهرهم مثل ماقهروووني وخاصه عبدالله الي قص علي واخرتها بياخذ وحده غيري وحبيت انتقهم منه
بو مريم عصب اكثر ومسكها وطق فيها : يااجليلة الحيا صج ماتستحين على ويهج وين اودري ويهي من الناس ( ويطق فيها)
مريم ( واهي تبجي وتضحك بنفس الوقت): هههههههههههاي يبا خلااص عبدالله شبه ميت الحين
بو مريم هدها: شتقولين!!!
مريم ( وخرت عن ابوها) : مثل ماسمعت عبدالله امس سوا حاادث والحين شبه مييييييييت

----

اول ماوصلت دانه المستشفى دقت على دلال ودلتها اهم اي صوب بالضبط واول مادشت لقت دلال ناطرتها
دانه لمت دلال وقامو يبجون

دانه : تكفين دلوول قولي انه صحى
دلال(تمسح دموعها): الله كريم انشالله يقوم ادعيله دوين
دانه : دلوول تكفين ابي اشوفه لو دقيقه بس
دلال: اوكي انشالله عاد يدخلونج
وراحو

بعد محاولات وحنه رضو انه تدخل دانه
طبعا قبل لا دش لبست البس المعقم ودشت عليه

ماصدقت الي جدامها عبدالله كانو لافين ويه لانه شوي محترق
وعليه اجهزه واايد .. كل ماتقرب منه تحس انه قلبها يتقطع عليه اكثر
قربت اكثر ووقفت عند راسه مسكت ايده وبدت تبجي من غير صوت

دانه ( تكلمه بصوت واطي واهي ميته بجي ودها تبجي بصوت عالي عشان بس ترتاح واطلع الي بقلبها ): عبدالله حبيبي قوم انا دانه حبيبتك حبيبي ادري انك تسمعني عشاني الله يخليك قوم والله العظيم ولهانه عليك انته وعدتني انك ماراح تتخلى عني لو شنو يصير تكفا لاتخليني بروحي والله بدونك ولاشي والله ماراح احس اني ضايعه مالي غيرك لاتخليني ( وبدت تبجي بحرقه)

ومسكت ايده وباستها وادموعها تنزل على ايده
دانه كانت تتمنى تشوف اي شي فيه يتحرك عشان ترتاح بس للأسف عبدالله كان شبه ميت

-----

اول ماطلعت من الغرفه لقت دلال برا
دانه تحاول تمسك روحها بس مهي قادره بس تبجي من غير صوت

دلال: دانو حبيبتي هدي بالج وادعيله ماينفع البجي
دانه : انشالله

رن موبايل دانه ...

دانه ( بصوت تعبان): الو
ام دانه: الو انتي وينج؟
دانه ( توهقت ): ا اانا عند دلال
ام دانه: وليش ماتقولين انج طالعه !
دانه : يما والله كنت حدي مستعليه ونسيت
ام دانه : اوكي اوكي لاطولين
دانه : انشالله
ام دانه : مع السلامه
دانه : مع السلامه
دانه : دلوول انا لازم امشي الحين امي بروحها شايشه علي وانا بعد طالعه من غير لا اقول لها
دلال : اوكي حبيبتي
دانه : تكفين دلوول اي شي يصير طمنيني تكفين
دلال : اوكي
دانه : وماتشوف شر خالتي سلمي عليها
دلال:الشر مايج حبيبتي .. يوصل انشالله .. ديري بالج بالطريج
دانه : انشالله .. يلا تامريني على شي
دلال : سلامتج
دانه : الله يسلمج يلا باي
دلال : باي

----

اول ماوصلت دانه البيت لقت امها ....

دانه : السلام
ام دانه : وعليكم السلام ..
(دانه كان مبين على ويها اثار البجي والتعب)
ام دانه : شفي ويهج جذي؟
دانه عيونها بدت تلمع : مافيني شي

وصعدت بسرعه غرفتها
ام دانه : شفيها هاذي بعد !!!
( وراحت ورا بنتها)
دانه اول مادشت غرفتها قطت روحها على لفراش وميته بجي

ام دانه دشت الغرفه وشافت دانه بهالحاله خافت عليها
ام دانه : شفيج دويين ليش تبجين؟
دانه : .................
ام دانه : دوين تحجي خلصيني شفييييج ؟
دانه : يما عبيد امس سوا حادث والحين بغيبووبه ( وردت تبجي )
ام دانه استغربت : شلووون انتي موقلتي انج هديتو بعض !
دانه : اااااي قتلج جذي لانج ذبحتيني بشكج وبتهديج كل مره تشكين فيني وين ماروح كل مره تهدديني انج بتعلمين ابوي واخواني علي تعبت من معااملتج لي يليتني ماقتلج شي ولافتحتلج قلبي مادري ليش ماخذه فكره عن عبدالله انه موزين وانه اهو الي يمشيني على كيفه وغاصبني على كل شي .. كل شي تقطينه براسه .. يما تعبت من عاااملتج خلاص .. من جذي جذبت عليج

ام دانه عورها قلبها على بنتها ولمتها ودانه بدت تبجي على صدرها
.........

من طرف **السبيعي** الجمعة يونيو 29, 2012 10:39 pm

عند سعود ....
بعد تفكير طويل قرر انه يكمل نص دينه ويتزوج وحب انه يفاتح امه بالموضوع عشان ادورله على بنت الحلال الي تناسبه ...

سعود : يما
ام سعود : هلا حبيبي
سعود : يما من غير مقدمات .. انا نويت اكمل نص ديني واتزوج
ام سعود : هاذا الكلام الي يفرح يايما .. ومنو الي ناوي تاخذها ؟
(للعلم ام سعود حاطه عينها على بنت اختها تبيها حق سعود)
سعود: يما انا ابيلج ادوريلي وحده .. بس شرط ماتكون من الاهل
ام سعود: اخذ بنت خالتك لطيفه حلوه وجامعيه مشالله موناقصها شي
سعود: يما قتلج مابي من الاهل وثاني شي انا ابي وحده ارتاح لها عشان اعرف اعيش وياها .. اما شيماء بنت خالتي لطيفة ماحس اني ارتاح لها .. ماشوفها زوجة لي !
ام سعود : سعود يما شهالكلام شناقصها البنت عشان تقول هالحجي
سعود : يما الحين انا الي ابي اتزوج وانا الي بعيش مع هالانسانة لازم اكون صريح معاج انا ماشوف شيماء تناسبني
ام سعود : سعود اذا تبي رضاااي اخذ شيماء لان البنت ماتطوف
سعود : ......

----

عند دانه ...
بعد الكلام الي قالته دانه لمها ...
ام دانه حست انها اظلمت دانه بالفتره الي طافت من ناحية التهديد والشك الي ماله اول ولا تالي ...

ام دانه : الله يقومه بالسلامه انشالله
دانه : يما تكفين ادعيله والله مالي غيره بهالدنيا
ام دانه ( استغربت من كلام بنتها) : انشالله
ام دانه قامت راحت يابت لبنتها ماي عشان تهدا شوي من البجي
وبعد فتره نامت دانه من التعب وماحست بروحها ...

----

عند مريم ...

من عقب ماعترفت لبوها بكل شي
امها كانت واقفه انصدمت من الي اسمعته

ام مريم ( وعلامات الصدمة على ويها ): معقوله هاذي بنتي الي ربيتها وتعبت عليها !! معقوله جذي تسوي !!!
ابو مريم ماتحمل الكلام الي سمعه من بنته وخاصه انها حرضت خالد على عبدالله ودعموه والحين عبدالله الله يعلم بحالته.. حس بتعب وقعد على الكرفايه
ام مريم ( بخوف) : صالح صالح شفيك؟؟
مريم من شافت هالمنظر خافت وطلعت من البيت مااتدري وين تروح بس كانت خايفه من ردة فعل اهلها وبسبتها ابوها تعب وطاح عليهم .. اركبت سيارتها وحدها دايسه وتبجي .. ماكانت منتبه كانت جدامها شاحنه
من كثر ماكانت دايسه مامداها توقف السياره ودشت بالشاحنه ..

-----

ام سعود اول ما سمعت من ولدها انه ناوي يتزوج بدووون تردد دقت على اختها لطيفه ...

ام سعود : والله يوخيتي انا داقه اليوم بقولج انه سعود قرر يتزوج وناوي انشالله ياخذ شيماء
لطيفة ( والفرحه موشايلتها ): والله والنعم فيه سعود يابخت الي بتاخذه
ام سعود : عاد قلت اقولج انشالله بعد يومين انيلكم ونتفق على كل شي
لطيفة : حياج الله بأي وقت حبيبتي

سعود نزل وسمع امه تكلم خالته لطيفه وتحدد الموعد وياهم عشان يتكلمون بخصووص زواجهم
وطلع من البيت بدون مايعلق على اي شي .. كان متضايق بس رضا امه فوق كل شي .. ما بيده يسوي شي

----

ام عبدالله كانت داقه على ام عبدالوهاب ..

ام عبدالله : الو
ام عبدالوهاب : الو هلا والله ام عبدالله شلونج حبيبتي؟
ام عبدالله : هلافيج حبيبتي .. والله ماشي الحال انتي شلونج بشرينا عنج ؟
ام عبدالوهاب : بخير دامج بخير
ام عبدالله (بصوت كله حزن): والله يا ام عبدالوهاب مادري شقولج .. بس الملجه راح تتأجل لان عبدالله مسوي حادث وتعبان
ام عبدالوهاب : لااا ويي مايشوف شر حبيبي .. شلونه الحين بشرينا عنه ؟
ام عبدالله : والله ياوخيتي مايدري عنا داش بغيبووبه
ام عبدالوهاب : لالا سلاماته ماعليه الا العافيه انشالله يقوم ويرد مثل قبل
ام عبدالله : الله يسمع منج

----

اكيد بتسألون عن مريم شصار عليها ؟

ودوها المستشفى كانت بحاله يرثى لها السياره معدوووومه
ومريم كانت مغطيه بالدم دششوها غرفة العمليات وبعدها دقو على اهلها
اهلها كانو بحالة صدمة وام مريم بدت تلوم روحها تحس انها كانت السبب بكل الي صار لبنتها ماتدري شتسوي تلوم بنتها ولا ادافع عنها !!!

وبعد تشخيص الدكتور.....

الدكتور : للأسف اقولكم انه بنتكم معاها كسر قوي بالظهر وماراح تقدر تمشي
ام مريم وابوها انصدمو من الخبر
( بس بالاخير كان عقاب لها من ربها على الي سوته بعبدالله ودانه
الله يمهل ولايهمل )

----

طبعا ام عبدالله والبنات درو عن حادث مريم

دلال بقلبها : صج الله يمهل ولا يهمل
ام عبدالله : ياربي شهالمصايب الي تتحذف علينا من كل صوب
رنا : يما تعوذي من بليس هاذا قضاء وقدر من رب العالمين مايجوز جذي
ام عبدالله : ونعم بالله .. انا بروح اطل على اختي اشوفها انتو خلكم عند عبدالله
رنا : انشالله يما

---

بعد مريم 3 ايام

---

عبدالله طلع من الغيبوبه والحمدالله انقلوله دم بس بين فتره وفتره يحس بتعب وضيق تنفس
الكل كان عنده ومستانسين بقومته بالسلامه ..و سعود كان يمر على عبدالله بين فتره وفتره يطمن عليه ...

----

عبدالله : دلوول عطيني تلفونج
دلال : شتبي فيه ؟ وثاني شي موزين لك التلفون انته سمعت الدكتور شقال يبيلك فتره تبتعد عن هالاشياء
عبدالله : قلبي ويهج انتي والدكتور خلصي عطيني
دلال : اف راسك يابس هاك اخذ( وعطته التلفون)

وبما انه التلفون كان ممنوع على عبدالله .. فراح الحمام ( وانتو بكرامه) عشان يتكلم فيه على راحته
( طبعا بالفتره الي قام فيها عبدالله دلال ماقلت لدانه شي لانها لهت مع امها وعبدالله واول ماقعد عبدالله قال لها انه بيفاجأ دانه )
دانه بهالفتره ماكان لها خلق شي كله حابسه روحها بغرفتها لا اكل ولا شرب كان كل تفكيرها بعبدالله تحس انها راح تفقده بأي لحظه ...

واهي منسدحه سمعت موبايلها يرن شافته كان
( دلال يتصل بك)

دانه : الو ها دلوول بشري صار شي ؟
عبدالله : هلا هلا بهالصوت والله ياني ولهاااااان عليه اخ فديته انا
دانه :@@ عبيييييييييييد!
عبدالله : عيون عبيد قلب عبيد حياة عبيد حبيبي انتي
دانه بدت تبجي : حبيبي انته قمت
عبدالله : هههههه يعني شرايج حبيبي!
دانه ( مومصدقه ): حبيبي الحمدالله على سلامتك وليش ماقلتولي؟ ومتى قعدت ؟
عبدالله : حبيت اسويها مفاجأة لج ها شرايج؟؟
دانه : يالخايس والله احبك ولهت عليك( بدت تبجي)
عبدالله : ولييين عاااد دانه ان بجت شسكتها .. خلاص حبيبي لاتبجين تبيني اتعب مره ثانيه؟
دانه : لا
عبدالله : عيل جب مابي اسمع صياحج
وتمو يسولفون وداانه ماكنت مصدقه الي قاعد يصير والفرحه موشايلتها

-----

بعد مروور سبوعين

---

عبدالله طلع من المستشفى بس كانت نفسيته تعبانه لان كان مايقدر يمشي كله على الول جير .. وكان الكل حوالينه وخاصه دانه كانت دايم تشجعه وترفع من معنوياته عشان يتحسن ويطلع من الحاله الي اهو فيها ويرد مثل قبل واحسن
والحمدالله مع جلسات العلاج الطبيعي قدر عبدالله انه يمشي ويرد مثل قبل واحسن

---

بهالفتره ام سعود واختها لطفية اتفقو على موعد الملجه وكل شي
سعود كان متضايق بس موحاب انه يخسر رضا امه واستسلم للامر الوااقع ..

---

واهل عبدالله وعبدالوهاب اتفقو على انه تكون الملجه بعد سبوع

---

مريم سافرت مع امها وابوها علاج بالخارج لان كل الاطبه الي بالكويت اثبتو عدم قدرتها على المشي نهائيا .. لكن اهلها ماصدقو هالخبر وقررو انهم يسافرون ويعالجونها برا احسن والصدمه انه حتى الدكاتره الي بالخارج قالو لهم نفس الكلام

---

سعود يكلم عبدالله

سعود : والله ياعبيد مادري شقولك حدي متضايق مادري شسوي
عبدالله : الغلط منك يا سعود هاذي حياتك مو المفروض امك تتحكم فيها وتزوجك غصب من وحده انته ماتبيها
سعود: شسوي خيرتني بين رضاها وبين شيماء؟
عبدالله : والله مادري شقولك .. بس عسا ان تكرهو شيئا وهو خيرا لكم .. يمكن تطلع البنت زينه عكس ما انته متوقعها لاتحكم على الناس مني والطريج
سعود : انا ماحكمت على اخلاقها ياعبيد افهمني انا ماحسها انها بتكون زوجة لي بيوم !
عبدالله : خل عنك هالوسوااس وانشالله مايصير الا كل خير لان زواج تقليدي اكيد بتحس بهالشي صدقني كل الي يتزوجون بهالطريقه يحسون جذي بالبدايه بس بعدين عقب مايعرفون بعض ويتقربون من بعض تختلف هالنظره
سعود : انشالله الله يسمع منك

---

حد منكم شاف في الدنيا بدر ..
مقبلٍ يمشي و من حوله بشر ..~
من حلاه يزف للناظر ضياه ..
ان ظهر للناس و لا ما ظهر ..~
هذا ما هو بدر ليل يختفي ..
مع طلوع الصبح و بزوغ الفجر ..~
او بدر يصبح بعد مده هلال ..
هذا بدر مكتمل طول الشهر ..~

انزلت بكل هدوء مبهره الناس الي حوالينها بحلاها
نفنوفها اصفر بذهبي مكياجها نااعم بارز ملامحها الجذابة اكثر واكثر
شعرها طايح على عيونها مع تموجات خفيف
دلال بيوم ملجتها طلعت بقمة الروووعهـ
دانه كانت حوالينها تساعدها وخواتها رنا وريم

----

بعد الحفلة

--

عبدالله : حبيبي
دانه : عيوني
عبدالله : يعني متى اهلج بيرضون ؟
دانه : حبيبي مو الحين امي مستحيل توافق الحين
عبدالله : عيل متى ؟
دانه (بخيبة امل ) : مادري حبيبي
عبدالله : اممم انا باجر بخلي امي ادق وتخطبج
دانه ( منصدمه): شنو!!
عبدالله : الي سمعتيه دوين ماصارت لي متى بننطر
دانه : بس ماراح يرضون صدقني
عبدالله : مالي شغل بخلي امي تتفاهم وياها وتقنعها ماكو مبرر لرفضهم
دانه : عبيد بطني يعورني
عبدالله : شفيييج حبيبي؟
دانه : خايفه من باجر
عبدالله : هههههههههههه

---

بيت ام عبدالله

---

ام عبدالله : وي يما مابغيت تقولي ادق عليهم
عبدالله: يما يلا يلا دقي تكفين
ام عبدالله: انشالله انشالله يما هات التلفون
عبدالله عطا امه التلفون
ودقت على بيت ام دانه
ام دانه : الو
ام عبدالله : الو قوة ام دانه شلونج؟
ام دانه : الحمدالله .. منو معاي؟
ام عبدالله: معاج ام عبدالله
ام دانه ( بستغراب) : هلا والله
ام عبدالله : هلا فيج .. حبيبتي مابي اطول عليج اظن احنا عارفين لعيال يبون بعض
ام دانه : أي؟
ام عبدالله : انا داقه اليوم اخطب بنتج دانه واحدد منج موعد عشان انزوركم
ام دانه : والله يم عبدالله مادري شقولج .. بس البنت توها على الزواج مادشت ال20 حتى .. ودراستها للحين ماخلصتها ماراح تقدر توافق بين زواج ودراسه
ام عبدالله : حبيبتي ماشوف في مبرر دانه مشالله مراه وعارفة مصلحتها وماظن عبدالله بيمنعها من دراستها بالعكس اكيد بشجعها
ام دانه : اسفه حبيبتي والله ماقدر حتى ابوها ماظن بوافق
ام عبدالله : سأليه ورديلنا خبر ناطرينكم
ام دانه : انشالله حبيبتي
ام عبدالله : يلا حبيبتي مع السلامه
ام دانه : مع السلامه

---

دانه من عقب ماقال لها عبدالله انه بدق امه وبتخطبها
واهي تحس بخوف ومالها خلق شي وكانت تحاتي اللحظه الي بدق فيها ام عبدالله
وكل ماتسمع صوت تلفون البيت تفز

---

وصلها مسج من عبدالله
" دوييييين حبيبي .. امي دقت واخطبتج "

دانه من شافت هالمسج حست بشعور غريب خوف على وناسه على تردد ماتدري ليش
شوي جان تسمع صوت الباب

دانه ( بخوف كانت متأكده انه امها يايه تكلمها بخصوص عبدالله): ادخل
ام دانه يت وقعدت يم دانه
ام دانه ( ببتسامه) : من شوي دقت علي ام عبدالله وخطبتج
دانه ( تمثل انها ماتعرف شي عن لموضوع): صججج!!
ام دانه : يعني انتي ماتدرين؟
دانه : لايما مادري فاجأتيني .. انزين شقالت وانتي شقلتي لها؟
ام دانه قالت كل الي صار بينهم
دانه ( بضيقه): أي صح كلامج .. انزين ماسألتي ابوي؟
ام دانه : لا بعد شوي بروح اكلمه
دانه : اوكي

---

اول ماطلعت ام دانه سييده دانه من دون ماتفكر دقت على دلال

دانه : الوووووووو شلوووون العروووس؟
دلال : ههههههه تمااام يالخايسه شلونج؟ وينج مادقين ها؟
دانه : بعد ادري انج لاهيه مع حبيب القلب
دلال : احم احم أي كبرنا بعد وتزوجنا
دانه : هههههههه مصدقه حلاي ويهج .. انزين قوليلي شلونكم وياه بعض انشالله مرتاحه؟
دلال : واااي دوين الحمدالله حدي مرتاحه وياه .. وانشالله يتم جذي ومايتغير علي
دانه : انشالله الله يسمع منج

---

ماتكلمنا عن خالد وماقلنا شصار عليه ؟ اكيد بتنصدمون من الي بتسمعوونه ...
خالد بعد فترة رافج شباب مايخافون من الله سوالف شقق وشرب .....الخ
لدرجة انه مايدري عن روحه ولا عن عياله الي كان كل مره بالسبوع يشوفهم الحين مايدري لا عنهم ولاحتى عن نفسه!!

---

اول ماوصل ابو دانه
ام دانه فتحت وياه موضوع خطبة دانه...

بو دانه : ماعندنا بنااات يتزوجون الحين
ام دانه( كانت تحاول تغير راي ريلها) : انزين ليش مستعيل فكر شوي واسأل عن الولد وتالي قول رايك
بودانه (معصب): ماكو زوااج الحين البنت توها على الزواج .. تخلص دراستها وتالي تفكر تتزوج

---

طبعا درت دانه انه ابوها موموافق نهائيا على موضوع زواجها الحين
وام دانه اعتذرت لم عبدالله
بس عبدالله ودانه مايأسوا كانو يحاولون بكل الطرق عشان يغيرون راي ام دانه وابوها

---
بعد مروور سنة ونص

بييه وااااايد صح !!
خنشوف شصار على ابطال قصتنا ..

----
اول شي دلال الحمدالله مرتاحه مع عبدالوهاب بس للحين ماحملت بحكم دراستها ف كانو مأجلين هالموضوع لي بعدين

----
مريم من عقب ماصار لها الحادث وفقدت قدرتها على المشي وسافرت علاج للخارج وصل منها تهديد لدانه اول الايام .. لدرجة انها دقت عليها وهددتها بحياتها .. بس الحين مالها حس او خبر من ديره لي ديره وكل الاطبة يقولون لهم نفس الكلام .. مريم خلااص فقدت قدرتها على المشي
بس امها وابوها للحين عندهم امل يلقون العلاج الي بيرد لهم مريم الاولية

----
خالد على حطة ايدكم للحين على سوالفه بنات وشقق وشرب .... الخ

----

سعود تزوج بنت خالته
اكيد بتعرفون اذا كان مرتاح ولالا؟
الاجابه انه ماكان مرتاح ابد معاها بس قرر انه يكون رضا امه فوق كل شي ومتحملها طول هالمده عشان امه لا اكثر ولا اقل
والحين مرته حامل بالشهر 4

----

احمد وتهاني تزوجو وعايشين احلى حياة
صار عكس الي متوقعه احمد قبل لا ياخذ تهاني ... مرتاح معاها بدرجه موطبيعيه
والحين ياي لهم بيبي ثاني بالطريج
عسا الله يتمم عليهم

-----

ام دانه حيل تغيرت معاملتها لدانه .. صارت حيل قريبه منها خفت المشاكل بينها وبين بنتها والتهديد بشكل كبير من بعد حادث عبدالله ومن بعد مادقت ام عبدالله واخطبت دانه .. حست انها ظلمت بنتها وانه عبدالله فعلا يحبها ووخايف عليها اكثر من روحه .. ودانه ماتخش عن امها أي شي بخصوصها وبخصوص عبدالله كانت مثل الكتاب المفتوح لمها

-----

تكلمنا عن كل الشخصيات تقريبا و شصار لهم بهالفتره الا دانه وعبدالله حبيت اتركهم اخر شي

---

من بعد كل شي تعثر لطريجهم ومحاولات التخريب الي صارت بينهم من مريم وغيرها او من الي حوالينهم .. ورفض اهل دانه لموضوع الزواج
للحين متمسكين بحبهم لبعض وكل ماله حبهم يزيد ويصير اقوى من اول
تقربوا اكثر واكثر من بعض لدرجة انه محد يقدر يكمل من غير الثاني وان غاب عنه لحظه يحس ناقصه شي كبيير .. حبهم بدا واضح للكل الكل يدري بعلاقتهم بختصار كانو روح بجسد واااحد الكل حاسدهم على حبهم حتى اقرب الناس لهم !!

---

مازالت محاولات عبدالله لليوم هاذا مستمره
عشان يوافقون اهل دانه على زواجهم
بس للاسف اهل دانه مصرين على موقفهم وانه ماكو زواج الا بعد ماتخلص دانه دراستها

تحدو كل شي واجهم ..
تحدو المووووت بحبهم ..
تحدو كلام العواذل بحبهم ..
تحدو رفض الكل بحبهم ..
ومازلو متحدين الكل بحبهم ..!!

----

تبونا نبتعد عن بعضنا ونشقآ .. ~
ولكن يالعواذل حبنا ابقآ ..
ولو اشطركم يجرب يفرقنآ ..~
تري نجوم السما اقرب من الفرقآ ..
قلنا ممكن تسرقون ..~
كحلنا اللي في العيون ..
الا موضوع التجافي بيننآ ..ماتقدرون ..~
مستحيل ان نتفارق ..
لو يكون اللي يكون ..~

[size=21]لالالا .. لالالا .. ما تقدرووون

تحدينا بمحبتنآ شطارتكم ..~
وشفنآ بعيننآ حسرة خسارتكم ..
نصيحتنآ لكم لا تتعبون اكثر ..~
معنا بايره جدا تجارتكم ..
قلنا ممكن تسرقوون ..~
كحلنا اللي في العيون ..
الا موضوع التجافي بيننآ.. ماتقدروون ..~
مستحيل ان نتفارق ..
لو يكون اللي يكون ..~

لالالا .. لالالا .. ماتقدرون

عواذلنا وش اللي بتستفيدونه ..
اذا كل طير فارق عش مظنونه ..~
ونحنا مستوانا أكبر واكبر ..
من اللي دايم فينا تسوونه ..~
قلنا ممكن تسرقون ..
كحلنا اللي في العيون ..~
الا موضوع التجافي بينآ .. ماتقدروون ..
مستحيل ان نتفارق ..~
لو يكون اللي يكون [/size]