أبيات حديثه الكتآبه

السلام عليكم ورحمه الله وبركآته

أسعد الله أوقاتكم بكل خير

هذه الأبيآت كتبتها البآرح

أبيات متواضعه جدآ

أتمنى أن تنآل إعجابكم


قآلوا علامك شآيش الفكر مهموم ** وعيونك الثنتين فيها علامه
كنه على خاطرك علمن ومضيوم ** تبي تقوله وأنت فيك الندآمه
قلت النصيب اللي يجيني ومقسوم ** مقسوم لو طآلت وقامت قيامه
لزومن أرضى بالمقدر وملزوم ** أقنع على ماقيل وأنسى كلامه
قآلوا تجيب العلم وش حاصلن يوم ** أرسل على الجوآل كلمة سلامه
قلت الرسآله جات والحظ معدوم ** إني قريت الحرف كله تمامه
لو إن جوآلي على وضع مكتوم ** ولا عن أبرآجه تردى نظامه
ماكان شفتوا خاطري منه مظلوم ** ليته يحاكيني وقل أهتمامه
مهوب فجأه يزرق الروح بسهوم ** زرقه قويٍ فآق حد الجرآمه
يقول أنا فرقاك بالقلب مختوم ** وجسر المحبه حان وقت إنهدامه
قلت الذي بالحب خلاك مرسوم ** يجيب لي فرقآك وأشر الكرآمه
ماطرد ورى المقفي ولاأجيه مذموم ** مادام راسي حي وألبس عمامه
حتيش لو أنه كبيرن من القوم ** وحتيش لو أنه زعيم الزعــآمه


بقلـــمي : فهد السبيعي


وسـلامتكم