اخر كلامك

آخر كلامك قلت لي مانت مجبور ... وش رجعك بالله بعدك تبيني

وصلتها لفراق ومنت معذور ... ابيع بايع واشتري مشتريني

ومادام قابك خالي احساس وشعور ... ماني بحاجه قلب ماحس فيني

ماني على خبرك تمثل لي الدور ... ولاني على كيفك تروح وتجيني

واذا الزمن له جور والحب له جور ... جورك على جور الزمن مبتليني

ضايقتني حتى وانا دمي يفور ... وكذبت في شيء حصل شوف عيني

كاذب .. عنيد .. ميت احساس مغرور ... قاسي عنيد وياخساره حنيني

وشلون امد الكف والكف مبتور ؟! ... من قلبك اللي مايقدر يميني

وقتن مضالك مالفى مني اقصور ... ماباقي الا اشيلك براحتيني

وكتبت فيك حروف وابيات وسطور ... ليتك تحس وليت قلبك يبيني

زرعت فيك الكبر واصبحت محقور ... واعميت عيني من رفاله يديني

رفعت من قدرك واجهت بغرور ... واول وفاك تروح ماتحتريني

واليوم ترجع لي عقب غيبه شهور ... ودك تعيد الحب .! لاياضنيني

العام قلبي يوم الاقيك مسرور ... واليوم عقب الود لاترجتيني

واذا ذكرت العشره بقلب مقهور ... تذكر اللي صار بينك وبيني

وابعد بعيد وعن فعايلك مشكور ... الربح نفسي والخساره لعيني

آخر كلامك قلت لي من منت مجبور ... وش رجعك بالله بعدك تبيني