طبق صيني سيزلنق الدجاج

من طرف **بحة حزن** الثلاثاء نوفمبر 29, 2011 5:30 pm

السلام عليكم ورحمة الله وبركاته

من كم يووم وانا ادور لي طبخة طحت لي على موضوع وحدة كانت
منزلة طريقة سيزلنق دجاج وشكلة كااان جدا مغررري

قرررت اسووية واصورة لكم ان شاء الله يعجبكم

نبدا بسم الله

اول مقادير

دجاج مقطع مربعات
ملعقتين كبار نشاء
بيضة وحدة
رشة ملح ,, بابريكا

هينا خلطت الدجاج مع النشاء والبيض والبابريكا والملح وقلبتهم زين

وبعدها قليتهم بالزيت الين تتحمر

الخضار اللي نحتاجها
فلفل اخضر الوان وجزر وبصل مكعبات مقطعة

احطهم على النار مع زيت زيتون
واقلبهم لين تذبل الخضار

وبعدها نحط قطع الدجاج المقلية

ونكون مجهزين
كاس مويا مع ملعقتين نشاء
وملعقة كتشاب
وملعقة صويا صوص حلوة انا عندي معتدلة فزدت عليها كتشب ليزيد حلاها

ونحطهم على الخضار ونقلبهم لين يثقل الخليط

وخلية على النار 10 دقايق وبس

وبعدها استمتعي بالطعم اللذيذ الذي لايقاوم

من جانب اخر

اتمنى يعجبكم ويحوز على ذائقتكم