عهدي بها ..

من طرف **فهد السبيعي** السبت أكتوبر 15, 2011 6:09 am

عهدي بها قدام تلبس عبايه ... وأنا بعد قبل البس شماغ وعقال

طفلين نتهجى حروف الهجايه ... الله يامجمل سواليف الاطفال

كانت لنا في كل شارع حكايه ... وكنا نقول علوم ماهيب تنقال

وكنت اتقاسم مامعاها معايه ... من (اسكريم) التوت للعلك ابو ريال

وكانت بعكسي شاطره في القرايه ... تقرا جزء عم وطه والانفال

وأنا لك الله من مواري غبايه ... مدري ابو النقطه هو الدال او ذال

وكانت لابوي تشتكي من شقايه ... وتعلمه كيف اربط الباب بحبال

ياما على ظهري كسر من عصايه ... يقول لي : خلك وانا ابوك رجال

وامي تقول : ادع لولدك الهدايه ... خوفي يصيبه كثره الضرب بهبال

لاشفتها مع اول الدرب جايه ... مدري انا اللي ملت ولا الوطى مال

احس قلبي يرتجف في حشايه ... ماكنه الا الضيف لاهز فنجال

ياما عن ام السعف تخبت ورايه ... لاخوفوها فيه ثم شافت ظلال

تقول خلك يا (ـــــــــ) معايه ... واستانس العب عندها دور الابطال

واغار حتى من عيون اصدقايه ... لاطالعوها قلت تكفووون ياعيال