السسلام عليكم , ابي اقولكم قصه وقصيده

المهم مابي اطول عليكم . هذ1 فيه قريه تبعد عن القريات 150 ككيلو وفيه هالقريه بنات يدرسن في كليه والقريه ذي مافيه كليه يعني غير يرحن الي القريات المهم جاء يوم من الايام راحن مع الباص الي كليه طبعا كل يوم يقطعن مسافه 150 كيلو ف اليوم روحه ورجعه وعملن حادث وتوفن كلهن اليكم القصيده تقلبو تحياتي اخوك دمعه شاعر ::: عنونها قصيدة ماتت وهي تحتضن أغلى دفاترها جوارحي يافهد فاضت مشاعرها
مما جرالي تفجّر سدّها العالي

ولو ما إنحدر سيلها ماني بعاذرها
حزني طغى والخبر بالحيل قتالي

هات الدفاتر ولاتنسى محابرها
وأنسخ على أوراقها همّي وغربالي

من قصةٍ جوّضت قلبي مآثرها
قصّة فتاةٍ بريئه دمّها سالي

أكبر طموحاتها وأغلى جواهرها
حلمٍ سعت له ولو مشوارها طالي

مافكّرت بالحواجز لو تعثّرها
قوّ الإراده يخلّي دربها خالي

مير البلا من أمورٍ جابت آخرها
تعال وإسمع وش اللي صار بالتالي:

قبل الفجر قامت تسرّح ظفايرها
تضحك ونور الأمل في وجهها يلالي

صلّت وجتها امّها تبغى تبخّرها
دعت لها وودّعتها ربها الوالي

وراحت مع الباص والعاده يأخرها
إلا إذا زوّد السرعه بالأميالي

بعد المسافه وضيق الخط كدّرها
ميّه وخمسين كيلو حالها حالي

وفجئه بلا سابق إنذار بمخاطرها
حادث شنيع إنتهت به كل الآمالي

ماتت وهي تحتضن اغلى دفاترها
هو من حفظ سرها في كل الأحوالي

كانت تزخرف على أوراقه خواطرها
في كل ليله لها قصّه وموالي

مثل الزهر حلمها غيمه وماطرها
لكن ظلمها الخريف وحظها مالي

وأسبابها مالها شيٍ يبررها
إلا الظليمه ومعها بعض الأهمالي

والمملكه عندها ثورة مصادرها
الأيدي العامله مع روس الأموالي

وش اللي يمنع طبرجل لاتسايرها
سكّانها مسلمين ودمّهم غالي

تعدادها لو بعض هالناس صغّرهاا
خمسه وسبعين ألف بوقتنا الحالي

إبنوا بها جامعه نسبه لحاضرها
ولا إفتحوا فرعها صرحٍ للأجيالي

اليوم دار السعود الخير غامرها
تكفى يابو متعب الموضوع قتّالي

نبغى تبنّى القرارات وتصدرها
حقن لدمانا وتخفيفٍ للأهوالي

عسى فعولك إله الكون يآجرها
ويجزاك عنّا وتكسب راحة البالي

جوارحي يافهد هذي مشاعرها
سبّة فتاةٍ قتلها بعض الأهمالي

قبل أمس كانت تسلّى مع دفاترها
واليوم تحت الثرى في رحمة الوالي

يعافيك ربييَ غلا ولاهنتي تقبلي تحياتي اخوك دمعه شاعر

راااااااااااااااااااااااااائعه ومميزة يسلمو