سيره سمو الشيخ الشاعر حمدان بن محمد بن راشد ال مكتوم (فزاع)

مين يحبك


من يحـبّـك كـثـر ما احـبّـك أنـا

ومن بحـبك حاول وياما اجتهـد

ومن فـ عينه شوفتـك كل المنى

لا ورب العـرش ما غـيـرك أبـد

انت شـوفي وانت عمري والهنا

ياجسـد بي روح ولروحي جسـد

وانت عيني وانت نوري والسنا

وانـتـه اسـبـابـي إذا حـبي خـمـد

وانت ميـعـادي وسهـدي والعـنا

وانت تعـذيـبي وصـبري والجلد

وانت راحـاتي وروحي والظـنا

وانت الاوّل ..مابها قبـل و بعـد

لـمّـنا جـو الـمـحـبـّـه و ضـمـّـنا

ومن بعـد قـربك أنا كيف ابتعـد

شـوف ما اكبر ياحبيبي عـشقـنا

فـاق كل العـشق وحـده وانفـرد

لـو يـوزّع عالـبـسـيـطـه حـبّـنا

ما بـقـى حــدٍّ بها يـكــره أحَـــد







يوم الوداع



لا شـفتـني ضايـق واهِل الدمـع وابكي باقـتـناع

لاتحـزنك عـيني ولا تـشـره على دمعاتها


أنـا فـقـط .. حَـبّـيـت ادرّبهـا عـلى يـوم الــوداع

أحـبـابنـا قـاسـيـن والأيّـام هـي عـاداتـها


مهـما جلـسـنا نضـحـك وناخـذ من الحب المتاع

لابـد لحـظات المـفارَق نرتـشـف كاساتها


حـتى لـو اكـذب واتـوهّـم حـبّـنا وَهـْـم وْ خـداع

والدمعـه اللي في عيوني تعـكس مْعاناتها

حتى خـفوقـي لو يـقـول انـّه على بُعـدك شـجاع

ساعة فراقك مستحيل ان يحتمل لحظاتها


كلما نظرت لرمـش عينك جيت لامرك بانصياع

تـقـول كـن الجـاذبـيّـه في هـدبـك اثـباتـها


باشبع عيوني من عيونك شوف قدر المستطاع

عـلّ وْعـساها تكـتـفي بالشـوف من لـذاتها


من قبل اعرفك كان شعري من ضياع إلى ضياع

والحين يمشي بس لعـيونك على مرضاتها

لو ماذكرتك في قصيدي صار شعري في صراع

ودفاتـري تبغـيك تـتواجـد على صفـحاتها








تناهيت المحبه



يا آخـر طـموحـاتي وذروة حـنيـني

تلـبس على فـالك وانا بْـفالي آمـوت

أمـوت في اللبـس الخـفـيّ المـبـيـني

والشـًّعر لا منـّه تـناثر عـلى الكوت

الـصـوره اللي بيـن خــدّك و بـيـني

تـقـول يالسـكـّر تعال المـس التـوت

في عـيونـك اللي تحـتها شـامـتـيـني

خيل العرب في معركة عين جالوت

كـل شـيّ يـتـمـنـّى يـشـاركـك فـيـني

الأرض والأشجار والبحر والحـوت

يا مبرأك .. يا ما اظلمك.. يا ضنيني

ما ضاع لك ضايع ولا فات لك فوت

أقسى الرجال ان شاف حسـنك يليني

واي بنت في جنبك تحوّل لطاغـوت

خـذنـي معـاك .. بـلاك انـا ما يبيـني

يا شعر ابو راشد ويا سحر هاروت

هـذي امـنيـاتي يا مـبعـثـر سـنـيــني

الـود ودّي نجـتــمـع لـو بـتـابـــــوت

ودّي أحـطّـك يا حـبيـبي فـي عـيني

وآسكـّر عـيوني عـليك انت وآمـوت

وادخل معك قـبر الغـرام الحـزيـني

واسـمع تناهـيت المحـبّـه بلا صوت