وأنا خذيت وعودها كلمة رجال

من طرف **السبيعي** الإثنين مايو 30, 2011 7:03 am

مسائكم شعر
,
,

حسبي على من بالوفا واعدتني
وأنا خذيت وعودها كلمة رجال

بدت تراسلني ألين ملكتني
طلبت يدها قالت أبشر على الحال

قلبي يبيك وسيرتك معجبتني
شاعر ويضرب في قصايدك الامثال

كلمت أخوها مثل ماعلمتني
ولاقلت من وصل لي الرقم برسال

طلب أزوره جيت له قبل حتني
لقيت قدامي سنافي ومشكال

ودعتهم وأفضالهم فوق متني
وشلون أرد ديون ذربين الأفعال

مرت أسابيع أنتظر وأملتني
تقول ليله عرسنا مابه جدال

كلمت أخوها قال هي مابغتني
وأزيد شعرك بيت منته على البال

أثر البنيه ياعرب ناويتني
قصده تشمت بي حواسد وعذال

عزالله أنه عندهم فشلتني
وشلون بنت رجال تنصب وتحتال

لو بي نذاله قلت هي كلمتني
خليت يسكن مخها مس وهبال

مع أنها ياناس حيل جرحتني
سلمي حشا مايشبه سلوم الأنذال

الشاعر الكبير
أحمد الجريفاني الشمري