منتديات ذبـــــــول الــــــــورد
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

{.. سالفه نورة ..}

استعرض الموضوع السابق استعرض الموضوع التالي اذهب الى الأسفل

{.. سالفه نورة ..}

مُساهمة من طرف ورد الغلا في الخميس ديسمبر 29, 2011 12:45 am



المرايا ..
صدق يطعن ..
في نوايانا الدفينة
طعن صادق ..
يفضح الزيف وسنينة
المرايا والله العالم .. هي أصدق شي ..
في عالم كذوب
في زمن مظلم وظالم .. ماتلاقي ضي ..
ينبض بقلب الدروب
المرايا ..
عشق ساكن داخل قلوب الكثير من الصبايا
إلا نورة ..
بنت غاية في الجمال ..
حسنها ياخذك من يمناك ..
لحدود الخيال
يوم نادت أمّها وبصوت عالي :

( يمّة .. يمّة بسرعة تعالي ) ..

لمّا جتها أمّها ..
قالت : علامك ؟
نورة قالت :

يمّة أرجوك بقيامك ..
إبعدي هذي المراية..
ابعديها ..
وإلا أقلّك ..
يمّة تكفين اكسريها ..
ما أبيها .. ما أبيها ..

ولو سألتوا ..
ليه هي قالت كذا .. وإيش العلاقة ؟
قلت شوفوا ..
ماقدر أخبّي لذا .. نورة ( معاقة ) !

شلل نصفي ..
سرق منها طفولتها ..
سرق حتى ابتسامتها ..
تشرّب جسمها الطاهر على غفلة
ولا قدّر برائتها وهي طفلة
حواليها كثير أطفال ..
بنات العم .. والجيران ..
عيال الخال ..
تراقبهم .. تتابعهم
تشوف ( أحمد ) وهو يسحب شعر ( سلمى )
و( علي) يلحق ( مها ) وبيده مسدس ما
و( خالد ) قاعد يحاور ( حسام ) ..
بعلبة البيبسي
ويكسر ظهر هالمشهد ..
حزن ( نورة ) وهي تبكي على الكرسي
تحاول قد ماتقدر ..
لجل تخفي مدامعها
وثار الدمع واتحدر ..
وبدت رعشة باصابعها
تزم إيدينها لكن ..
يديها ماتطاوعها


وتكبر نورة ويكبر ..
معاها الهم
ويجري حزنها الأقشر ..
بمجرى الدم
وياصل عمرها العشرين ..
وفي هالعشرين ..
تغيّر كل شي فيها ..
ملامحها .. - مع إن الحزن ماسحها -
أمانيها .. - ولو ماعاد تعنيها –
سوالفها .. – بعد مالهم والفها -
في هالعشرين ..
على نفس الألم تصبح ..
وعلى نفس القهر تمسي ..
على الكرسي .. !!
في هالعشرين ..
أبد ماتابعت موضة ..
ولاتعرف ( جيفينشي ) .. أو ( كريستيان ديور )
أو ( فيرساتشي ) وعروضة
ولا مكياج وإكسسوار ..
وحتى عطور ..
تضج .. تثور
إذا قالوا لها ..
( نورة .. شرينا لك عطر ..
شوفي بعد فستان ..
يانورة إلبسيه ألحين ..
ترا بيطلع عليك جنان ..
بسرعة بس لاتبطين )
تجاوبهم :

( بسرعة ! ..
بسرعة ليه ؟
وإلا لمين ؟
وهو من كثرة العرسان ! )
تقاطعها أمها :
( نورة ..
وش تقولين !! )

ترد نورة :

(( يبه .. يمّه ..
كفاية وإسمعوني زين ..
أنا عمري ترا عشرين
ترا ما عادني طفلة ..
ياناس المسألة سهلة ..
مثل ما (1) و(1) يساوي (2)
معاقة .. خير ! ماتفرق ..
- وفي هاللحظة ..
بدت لحية أبونورة ..
تلم الدمع من عينه ..
وبدت تغرق !-

يبه .. يمّه
أنا مليت من روحي ..
نعم مليت
تعبت أداري جروحي ..
وياما أخطيت
خطاي إني تصنّعت السعادة ..
لجل خاطركم
لجل ماتنجرح فيكم ..
مدامعكم
يبه تدري ؟ ..
كنت أتمنى من صغري ..
وهذي أمنية عمري ..
وإلا ألحين هي منوه
تمنيت أحضنك بالليل ..
إلا من جيت من شغلك
أبوسك فوق راسك حيل ..
وأفك الجزمة عن رجلك
أروح أجيبلك قهوه ..
وأجيك أجري
وحتى إنتي يا أمّي ..
لو تدرين كم عانيت ..
كم أتمنيت ..
أخفف عنك شغل البيت
مثل ما ( نجوى) ..
تساعد مرت عمّي
يبه .. يمّه
تراني ضقت
وربي ضقت من نفسي
ياربي شقد طفشانة ..
وتبغوني بعد ألبس !!
ألبس من علشانة ؟
أبد لاتصدقون إني ..
أبتزوّج وأجيب عيال
والله عال !!!
من إللي في الزمن هذا ..
بيرضى أكون له زوجة ؟؟
ويتزوّج معي كرسي !!
يبه إنسى ..
وحتى إنتي دخيل الله يايمّه ..
بعد إنسي ))

وهذي سالفة نورة ..
ياهي بنت مقهورة ..
مضى من عمرها عشرين ..
وهي باقي على هالحال
حكايتها إنتهت ألحين ..
وخلّت داخلي ثورة ..
وأنا ما بيهدالي بال ..
إلين أعرف ..
من إللي بوقتنا رجّال ..
ويتزوّج مثل نورة ؟؟
avatar
ورد الغلا
عضو ذهبي
عضو ذهبي

مزاجك : 10
25
رقم العضوية : 15
عدد المساهمات : 760
نقاط : 8416
تاريخ التسجيل : 16/05/2011
العمر : 27
الموقع : السعــوديـة ..
رسالة sms

مَ ﺈلومَمگكُ لوۈﺑ/ ﺂسلوۈبگ تمّآديتْ خخآبرگ نفسَسيہْہّ ۈﺈللہْہّ يشإفيگكُ
!

47

http://d1b1.forumarabia.com

الرجوع الى أعلى الصفحة اذهب الى الأسفل

رد: {.. سالفه نورة ..}

مُساهمة من طرف ولد أكابر في الخميس ديسمبر 29, 2011 11:26 am

الله يجزاك خير

مميز

ننتظرجديدك
avatar
ولد أكابر
عضو جديد
عضو جديد

مزاجك : 35
23
رقم العضوية : 18
عدد المساهمات : 226
نقاط : 7461
تاريخ التسجيل : 21/05/2011
رسالة sms هــيـه..هــيه...أنادي له ولاكـن لاحياه لمن ينادي

.................... وإلتــفـت قـال !! أنـت ميـدي ؟ قـلت أنا مـا لك.. لوا

37

الرجوع الى أعلى الصفحة اذهب الى الأسفل

رد: {.. سالفه نورة ..}

مُساهمة من طرف بحة حزن في الأحد يناير 01, 2012 10:15 pm

avatar
بحة حزن
عضو فضي
عضو فضي

مزاجك : 16
19
رقم العضوية : 7
عدد المساهمات : 865
نقاط : 8464
تاريخ التسجيل : 13/05/2011
الموقع : منتديات ذبول الورد
رسالة sms وحدي بدنيابها روحي طلعت فاقد الإحساس ماعندي شعورالهوى مابيه روحي أشبعت وش يفيد الجرح وأنا كلي كسور
51

الرجوع الى أعلى الصفحة اذهب الى الأسفل

رد: {.. سالفه نورة ..}

مُساهمة من طرف ورد الغلا في الثلاثاء يناير 03, 2012 5:42 am

ولد أكابر

أسعدني مرورك
avatar
ورد الغلا
عضو ذهبي
عضو ذهبي

مزاجك : 10
25
رقم العضوية : 15
عدد المساهمات : 760
نقاط : 8416
تاريخ التسجيل : 16/05/2011
العمر : 27
الموقع : السعــوديـة ..
رسالة sms

مَ ﺈلومَمگكُ لوۈﺑ/ ﺂسلوۈبگ تمّآديتْ خخآبرگ نفسَسيہْہّ ۈﺈللہْہّ يشإفيگكُ
!

47

http://d1b1.forumarabia.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى